بی این ایم نا چیئرمین ڈاکٹر نسیم بلوچ خوانندہ رہشون ذاکر مجید نا زوراکی ئٹ بیگواہی نا 17 می سال دے آ تینا بیان ئسیٹی پارے کہ ذاکر مجید بلوچ خوانندہ تنظیم بی ایس او آزاد نا وائس چیئرمین اسک و بلوچ خوانندہ تا پنی ءُ رہشون ئس اسک۔ اودے 08 جون 2009 آ پاکستانی فوج برمتہ کرسا بیگواہ کرے ہمو دے آن پد اونا خاہوت ئے اونا بابت ئٹ ہچو سرپدی تننگ متَنے۔ 17 سال گدرینگ آن پد اونا خاہوت اینو ہم اونا بننگ نا کسر آ ہُننگ ءِ، ذاکر مجید ہزار آتا کچ ئٹ زوراکی ئٹ بیگواہ انگا بندغ آتا وڑ ئٹ بیگواہ ءِ۔
بی این ایم نا چیئرمین پارے کہ دا 17 سال ئے اونا خاہوت بھاز رنج فریشانی و ودار ئٹی گدریفینے۔ ذاکر مجید نا زوراکی ئٹ بیگواہی بلوچستان ئٹی برجاء انگا زوراکی ئٹ بیگواہی تا اسہ مثیل ئسے ہراڑے بھاز انگا خاہوت آک تینا بندغ آتا آجوئی کن جہد کننگ ءُ۔
ڈاکٹر نسیم بلوچ جہانی ادارہ بندغی حق آتا تنظیم و جمہوری ریاست آتیان خواست کرینے کہ اوفک تینا بے تواری ئے پرغر و بندغی حق آتا ناحق انگا لتاڑینگ آ پاکستان ئے سوج کیر۔
