بلوچستان نا ضلع قلات ئٹی پاکستانی لشکر آ جلہو ، جلہو ئٹی پاکستانی لشکر ئے بھاز نُسخان رسینگ نا حوال ارے، ہندن جلہو ئٹی لشکر نا اسہ لاری ئس سلاہ بند بندغ آک تینتون دریر ، جلہو آن پد علاقہ ٹی حالت آک بھاز خراب ءُ۔
اینو سوب ئتون قلات نا ہند اسکلکو ٹی پاکستانی لشکر نا پند آ بروکا کارندہ تے سلاہ بند بندغ آک خُڑک آن جلہو ئٹ ٹک کریر ہراتم اوفک علاقہ ٹی آپریشن کن بننگ اسُر ، جلہو ئٹی بھاز انگا کارندہ آتا کہنگ ءُ ٹپی مننگ نا حال ارے۔
حوال آتا رد ئٹ جلہو آن پد لشکر تینا لاری تیتون سلاہ بند بندغ آتا رند ئٹ ہننگ نا کوشست کرے ہندا وخت سلاہ بند بندغ آک مُست تیاری ئٹ لشکر نا لاری تے آ جلہو کریر ہراڑان لشکر نا مُسہ لاری جلہو نا مون ئٹی بسُر، سلاہ بند بندغ آک پاکستانی لشکر نا اسہ لاری ئس لشکری مڈی تیتو اوار دوئی کریر۔
جلہو آتیٹی لشکر نا اسہ بکتر بند لاری ئسے نُسخان رسینگ نا حال ارے۔
ہندی حوال آتا رد ئٹ علاقہ ٹی گن شپ ہیلی کاپٹر ءُ ڈرون آتا شیلنگ ءُ بمباری تا حال ارے، دا وخت آ جتا جہہ تے ٹک کننگانے۔
