بلوچستان نا ضلع پنجگور و کراچی ٹی پاکستانی لشکر کاروائی تا وخت پین شش بلوچ شاری تے دزگیر کرسہ بیگواہ کرینے۔
حوال تا رد ئٹ پنجگور نا تحصیل پروم ئٹی پاکستانی لشکر کاروائی کرسا عبدالغفار ولد ملنگ، حامد ولد داد، مجید ولد رشید و مری قبیلہ آن تعلقداری تخوکا پین اِرا بندغ تے دزگیر کرینے۔ پن کروک بندغ آک مزوری کن پروم آ بسوسُر۔
ہندن پین کاروائی ئس کراچی نا علاقہ لیاری، سرگوات ئٹی مسنے ہراڑے رکشہ ڈرائیور شاہ زیب صمد ئے پاکستانی لشکر دزگیر کرسہ نادُرست ءُ جاگہ ئس درینے۔
بیگواہ کننگوک آ بندغ آتا خاہوت آک زوت تینا چُناتا آجوئی نا خواست کرینو و پارینو اگہ اوفتا دوبہ ئس ارے تو اوفتے عدالت ئٹی ہتنگ مرے نہ کہ اوفتے ہندنو جاگہ تیا دننگ مرے کہ اوفتا ڈس رسینگپ۔
