بی ایل ایف نا ترجمان میجر گہرام بلوچ میڈیا ٹی شنگ مروکو بیان ئسیٹی پارے کہ سرمچارک 16 نومبر نا نیمروچ نا دوازدہ بجہ غا کیچ، مند ئٹی شند و دریا چم نا نیامی علاقہ ٹی جلہو کرسا پاکستانی لشکر نا قافلہ ئے رکھیفوک آ پیکٹ فورس نا اِرا کارندہ تے نشانہ کرسا ہمو جاگہ خلکُر۔ پن کروکا ہند آن انچُکا مُر فوجی قافلہ ٹی اوار اولی لاری ئے سرمچارک نشانہ کریر۔ نیم ساہت اسکان برجاء انگا جنگ ئٹی فوج ئنا اِرا ہیلی کاپٹر کُمک کن بس واہم سرمچارک کاروائی آن پد سلامتی ئٹ تینا جاگہ آتا ہنار۔
ترجمان پارے کہ 16 نومبر نا دوازدہ بجہ غا اسنائپر ٹیم شیپچار مشی ہند ئٹ فوجی چیک پوسٹ ئے جلہو ئٹی نشانہ کریر وختس کارندہ آک چوکی آن پیشن بننگ اسُر۔جلہو ئٹی اسہ کارندہ ئس خلنگا و اسٹ ٹپی مس۔
ترجمان پارے کہ سرمچارک اسہ پین کاروائی سیٹی 14 نومبر آ کوہ ڈگار نا علاقہ ٹی مند-تربت کسر آ اڈ مروکا پہل ئسے تراک ئٹی بھُس کریر۔
ترجمان میجر گہرام بلوچ ایسر ئٹ پارے کہ بی ایل ایف کیچ، مند ئٹی کننگوک آ مُسہ کاروائی تیٹی پنچ کارندہ تے خلنگ و ارٹ ئے ٹپی کننگ تون پہل ئسے بھُس کننگ نا زمہ واری ئے ہرفک و بلوچستان نا آجوئی اسکان بلوچ سرزمین آ ساڑی فوجی تنصیبات و انفراسٹرکچر نا برخلاف جلہوک برجاء مرور۔
