بلوچستان نا علاقہ خضدار و پنجگور ئٹی مروکا تدینی تیٹی پنچ بندغ بیران و کیہیک ٹپی مسنو۔
خضدار ئٹی سی پیک کسر فیروز آباد نا ہند آ خیسن آ چڑہائی نا خُڑک پک اپ و ڈمپر نا ٹَھکر کُننگ آن اسہ نرینہ ئس، اسہ زالبول و اسہ چُناس ہمو جاگہ غا ساہ تسنو۔
تدینی ٹی ٹپی مروکا بندغ آتے خضدار ٹیچنگ اسپتال آ دننگانے۔
ہندُن پنجگور ائیرپورٹ کسر آ اسہ ورنا سینا سُم خلوک او جون ئس خننگانے۔ خلنگ مروکا ورنا نا چائنداری امین ولد جان محمد نا پن ئٹ مسُنے ہرا گوارگو نا ہندی ئسے۔ واہم داسکان اونا کوش ئنا سوب آک چاننگ متنے۔
ہندا وڑ پنجگور ئٹی عال پنی او بندغ ئسے استو پروم ئٹی سم کاری کرسہ کھسفنگانے، ہندی بندغ تا رد ئٹ عادل نا کوش ئٹی پاکستانی لشکر و ریاستی مخ تفی ٹی کاریم کروک ڈیتھ اسکواڈ اوار ءِ۔
