یونائیٹڈ بلوچ آرمی نا ترجمان مزار بلوچ تینا شنگ کروک بیان ئٹ پارے کہ ننا سرمچارک 27 اکتوبر آ ویگ ئنا 4:30 بجہ نا خُڑک ضلع کچی نا تحصیل بھاگ ناڑی شہر ئٹی ننا سرمچارک شار ئٹی پیہنگ نا کسر تا ناکہ بندی کرسا بھلو کچ ئسیٹی شہر ئٹی پیہِسا پولیس اسٹیشن، نادرا آفس، لیویز تھانہ، تحصیلدار آفس و نیشنل بینک آ کاروائی کریر۔
ترجمان پارے کہ پولیس اسٹیشن ئے گھیرہ کننگ نا وخت آ ساڑی کارندہ تے چائنداری و بلوچ مننگ نا بنیات آ وارننگ تننگا ولے اوفک سرمچار تیا جلہو کریر ہرانا سوب سرمچارک تینا دفاع ٹی جوابی کاروائی کریر و سخت جنگ مس ہراٹی ایس ایچ او لطف علی تون اوار مُسہ کارندہ خلنگا و مُسٹ ٹپی مسر، گھیرہ نا وخت دزگیر مروکا 11 قیدی ئے یلہ کننگا ولہ اوفتا سلاہ تے ضبط کننگا، تھانہ نا ماڑی تون اوار نیشنل بینک و تحصیلدار آفس ئے ہم ہُشنگا۔
ترجمان پارے کہ کیہی گھنٹہ اسکان شار آ کنٹرول کننگ و تینا ہدف تے سرسوبی ئٹ ہلنگ آن پد سرمچارک شار آن پیشتمنگ اسُر کہ شار ئنا ہیب کھیب ایف سی نا بھلو کچ ئس بس ہراڑان سرمچار و ایف سی نا نیام ئٹ اسہ گھنٹہ ئسے اسکان جنگ مس، ہراٹی ایف سی نا مُسہ کارندہ خلنگا و کیہیک ٹپی مسُر۔
بیان ئٹی پاننگا کہ جنگ ئنا وخت شہید سنگت صاحب خان بنگلزئی عرف شوکت آخری دفاعی حصار ئٹی تینا جان ئنا پرواہ ئے وے کرسہ دشمن نا جلہو تے تینا سینہ غا تورسا ایلو سنگت آتے کشا۔ تینا جان ئنا قربانی ترسا شہید صاحب خان بنگلزئی سنگت آتے سلامتی ئٹ کشنگ ئٹی سرسوبی مس۔ تنظیم شہید صاحب خان بنگلزئی نا لازوال قربانی، بے مثال بہادری و عزم ئنا دلیری آ اودے دروت ندر کیک و اونا کاریم تے مُدام یات کننگ مرو۔
ترجمان مزار بلوچ پارے کہ شہید سنگت صاحب خان بنگلزئی عرف شوکت 2024 ئٹی یو بی اے ٹی اوار مس۔ چُنکو وخت ئسیٹی تینا غیر معمولی ذہانت، پختہ جذبہ و فوجی مہارت نا سوب آن جوانو جاگہ جس ہلک۔ شاری گوریلہ سینا لحاظ ئٹ او دشمن نا ہن و بر آ نظر تخا، سوگو او حوالکاری نا نیٹ ورک ئس جوڑ کرے و زمینی دفاع ٹی جوانو کڑد ئس ادا کرے۔ تینا آخری دم اسکان او تینا وطن نا رکھ ئکن بہادری ئٹ دشمن نا مقابلہ ئے کرے و بے کچ قربانی ترسہ شہادت نا عظیم انگا مزل آ سر مس۔
ترجمان ایسر ئٹ پارے کہ نن پولیس و لیویز ئے سختی ئٹ خبڑدار کینہ کہ اوفک تینا روشت ئے جوان کیر و بلوچ مخالف کاریم تیان مُر مریر اگہ نہ تو اوفتے ٹِک کننگ مرو۔
