بلوچستان لبریشن فرنٹ نا ترجمان میجر گہرام بلوچ چاگڑدی حوالکاری میڈیا غا تینا شنگ کروک بیان ئسے ٹی پارے کہ پنچ جون ئنا شام 11 بج و 50 منٹ آ بلوچستان لبریشن فرنٹ نا سرمچارک گوادر شار، ٹی ٹی سی کالونی ٹی ملٹری انٹیلی جنس نا کارندہ غاتا ٹھکانہ غا چغلی بمب جلہو کریر ہرانا سوب آن حال ئٹ سلوک اِرا کارندہ ٹپی مسر۔
او پارے کہ ملٹری انٹیلی جنس نا دا کارندہ غاک، ایم آئی نا افسر حیدر نا سربراہی ٹی کاریم کرِسہ کارپینٹر نا دروشم ئٹ جہی اسُر، ہراکہ علاقہ ٹی نیٹ ورکنگ کریرہ و ورنا غا مارکو تِہ بلیک میل کرِسہ اوفتِہ مخبری کن بیوس کریرہ۔
ترجمان پارے کہ چھار جون آ اسہ پین کاروائی ئسیٹی سرمچارک دے ئٹ 12 بجہ نا وخت آ جھاؤ نا ہند بارگین گزی ٹی دشمن لشکر ئے راشن سر کروک آ گاڑی ئے ڈرائیور تون اوار ہلکر، وخت ئسکہ ڈرائیور ئے خبردار کرِسہ آجو کریر۔
میجر گہرام بلوچ گاڑی تا خواجہ غاتے اسہ وار ئس پین خبردار کرے کہ اوفک کوزہ گیر پاکستانی لشکر ئے آسراتی تننگ ئے الیر، اگہ نہ تو تینا جانی و مالی نسخان تا ذمہ وار تینٹ مرور۔
ایسر ئٹ بلوچستان لبریشن فرنٹ نا ترجمان جھاؤ ٹی راشن دروک آ گاڑی نا دوئی کننگ و گوادر ئٹی ملٹری انٹیلی جنس نا کارندہ غاتا جلہو نا ذمہ واری ئے ہرفے۔
