بلوچ راج دوست جہدکار و بی این ایم نا مسکوہی بنجائی کمیٹی نا باسک محمد یوسف بلوچ تینا شنگ کروک بیان ئٹ پارینے کہ ای بلوچ راجی میڈیا زرمبش نا کُل جہدکار سنگت آتے اُست ئنا کُڑمبی ئٹ موارکبادی ایتوہ کہ ہرا زرمبش نا دیمروی کن بھاز جہد کرینو، دا انقلابی جنز ئٹ بلوچ راجی توار ئے جہان نا کنڈ کنڈ آ سر کننگ کن دے و نن خواری کشانو۔ دا تنگدستی نا وخت ئٹ بلوچ زنک کشی ئے توننگ کن زوراک آ ریاست نا دو ئے توننگ، بلوچ راج ئنا زیہا زوراک آ دشمن نا کنڈ آن مروک زوراکی تے پھاش کننگ کن ریڈیو زرمبش آن گڈ زرمبش ٹی وی نا بناء ئے کرینو۔
او تینا بیان ئٹ ودیک پارینے کہ ای سنگت آتیان اندا اومیت کیوہ کہ بلوچ راجی توار ئے مونا دننگ کن دے و نن مُستی گھام خلور و ریڈیو زرمبش و زرمبش ٹی وی نا دیمروی کن جہد کرور و مزل نا کنڈ آ گھام خلور۔
یوسپ بلوچ پارے کہ ای پارٹی و بلوچ راج آن دو تفوک خواست کیوہ کہ زرمبش ادارہ ئے ہر وڑ ئٹ کمک کیر۔
