بلوچستان نا ضلع کیچ ئنا علاقہ ہوشاب ئٹی پاکستانی لشکر نا دروغ ئنا مونتس ئٹی خلنگ مروک مسہ بندغ نا چائنداری مسنے ہرا مست آن بیگواہ کننگاسُر۔
چائنداری مروک آتیٹی دشتی بازار نا جہی عبدالواحد نا مار عمران ہرادے 9 اپریل آ دشتی بازار آن پاکستانی لشکر دزگیر کرسہ زوراکی ئٹ بیگواہ کریسس۔
ارٹمیکو بندغ نا چائنداری اپسر نا جہی مولاداد نا مار حامد نا پن ئٹ مسنے ہرا 14 اپریل آ پاکستانی لشکر نا دو آن اپسر آن بیگواہ کننگاسس۔
حوال تروکا تا پاننگ ءِ کہ تیبہ بلوچستان ئٹی لشکر آ مروک سخت انگا جلہو تان پد پاکستانی لشکر بیگواہ غا بندغ آتے کھسفِسہ اوفتا جون تے خسانے۔
مسٹمیکو جون ئنا چائنداری داسکان متنے و داسکا او سول اسپتال تربت ئٹی ساڑی ءِ۔
