ضلع کیچ ئنا بنجاہی شار تربت نا ٹیچنگ اسپتال نا مڑدہ خانہ ٹی مسہ جون ہتنگانے۔اسپتال بند و بست نا رد ئٹ جون تے چائنداری کن ہتنگانے، ولے داسکان اوفتا چائنداری متنے۔
بند و بست نا رد ئٹ چائنداری مننگ آن پد جون تے اوفتا خاہوت آتے تننگو۔
خیال ئٹ مرے تیبہ بلوچستان ئٹی بلوچ سرمچار و پاکستانی لشکر نا نیام ئٹی جھڑپ آک 24 ساہت آن برجاء ءُ۔ بلوچ لبریشن آرمی نا کنڈ آن پاکستانی لشکر آ کیہی جلہو تا ذمہ واری تے ہرفنگانے۔
پاکستانی کوالخواک دا جھڑپ آتیٹی شش بندغ نا خلنگ مننگ نا دعوی کرینو، ولے آزاد آ سورس و سلاہ بند تنظیم آتا کنڈ آن دا دعوی پک کننگ متنے۔
