بلوچستان نا ضلع چاغی ٹی اینو ویگہ نا نادرست آ سلاہ بند بندغ آک سمکاری کرسا پاکستان ایئر فورس نا اِرا کارندہ مرگ ئنا گواچی کرینو۔
حوال تا رد ئٹ دا تدینی ہموتم مس ہراتم تومکا کارندہ غاک بازار آ ہِننگ اسُر۔ جلہو کارک اوفتا سمکاری کریر ہراڑان تومکا ہمو ہند آ مرگ ئنا گواچی مسُر۔
تدینی آن گُڈ جلہوکارک نرار۔ تدینی نا حوال رسینگ آن گُڈ سیکیورٹی لشکر ہموڑے سر مس و علاقہ ئے گھیرہ کرے۔
جلہو نا ذمہ واری ئے دائسکان کس ہرفتنے نئے کہ کوالخواہ تا پارہ غان دا تدینی نا رد ئٹ بیان مونا بسنے۔
