بلوچستان نا ضلع کیچ ئنا بنجائی شار تربت ئٹ “ڈنک تدینی” ٹی بیران مروک ورنا تا جون تِہ دوئی مننگ کن خاہوت آک “ڈی بلوچ (جدگال ڈن)” آ تولوک برانز کننگ ءُ، و کسر ئے بند کرینو۔
ڈنک ئٹ پاکستانی لشکر تون جھڑپ ئٹ بیران مروک ورنا تیٹ نبیل ھوت، عمر زکا اللہ و فیروز نا جونک خاہوت آتا حوالہ کننگ متنو، ہرا نا برخلاف خاہوت آک جہی مخلوق تون اوار ڈی بلوچ آ ایم ایٹ دگ ئے برانز کرسا بند کرینو۔
برانزی تا پاننگ ءِ کہ مُسہ دے گدرینگ آن پد ہم جون تِہ خاہوت آتا حوالہ کننگ متنے ہرا دا باسُنی ٹی خراب مننگ کیرہ۔
او پاریر کہ نن کیہی وار انتظامیہ و پاکستانی لشکر آن جون تِہ ننے تننگ نا خواست کرینن ولے بیدس ہچ سوب آن او ننا ہیت ئے بِننگ افس۔
