بلوچستان لبریشن فرنٹ نا ترجمان میجر گہرام بلوچ پارے کہ سرمچارک 21 اپریل نا نن ہشت بجہ نا وختا خاران شار ئٹ گْواش روڈ آ ساڑی کوزہ گیر پاکستانی لشکر نا چیک پوسٹ آ خودکار سلاہ تیٹ جلہو کریر۔
او پارے کہ دا جلہو ئٹ سرمچارک اول چیک پوسٹ نا مورچہ نا مونا سلوک ایف سی کارندہ غاتے سمکاری کرسا مرگ ئنا گواچی کریر ہراکان گڈ حکمت عملی نا رد ئٹ سمکاری ئے توریر۔ وختس دشمن کارندہ غاک تینا کہوکا سنگت آتا جون تے ہرفنگ کن مُچ مسُر تو سرمچارک خود کار سلاہ تیٹ اوفتے ٹک کریر ہراڑا دشمن لشکر ئے پین جانی و مالی نسخان ہرفوئی تما۔
او ایسر ئٹ پارے کہ بی ایل ایف دا جلہو نا ذمہ واری ئے ہرفک و بلوچستان نا آجوئی اسکان کوزہ گیر لشکر و اونا تنصیب آتے ٹک کرسا کرون۔
