بلوچ نیشنل موومنٹ (بی این ایم) برطانیہ ہنکین نا کنڈ آن 21 اپریل 2025 آ کیمبرج ئٹی بندغی حق آتا سخت انگا لتاڑ و زوراکی نا بیگواہی تا برخلاف برانز کننگ مرو۔ دا برانز ویگ ئنا 12 بجہ آن 4 بجہ اسکان کنگز پیریڈ (kings parade) ئٹی اڈ تِننگو۔
برانز نا مسخت پاکستان نا کنڈ آن بلوچ ورنا و بلوچ یکجہتی کمیٹی (بی وائی سی) نا مُہبر و بندغی حق آتا باسک آتا برخلاف کریک ڈاون ئے شیف خلنگ ءِ۔
بی این ایم نا رد ئٹ جہانی کہول نا بے تواری بلوچستان ئٹی ریاست نا زوراکی تے گیشتِر کرینے، و دا برانز آک جہانی ضمیر ئے بیدار کننگ نا اسہ کوشست ئس ءِ۔
یاتی مرے کہ بلوچستان ئٹی ریاست نا زوراکی و بلوچ یکجہتی کمیٹی نا مُہبر آتا برخلاف کریک ڈاون نا برخلاف بی این ایم جہانی پڑ آ سوھوی مہم نا لڑ ئے بناء کرینے ہرانا رد ئٹ جتا ڈیہہ تیٹی برانز کننگو و سوھوی مہم اڈ تِننگو۔
