بلوچستان لبریشن فرنٹ نا ترجمان میجر گہرام بلوچ میڈیا ٹی شنگ کروک تینا بیان ئسیٹی پارے کہ کیچ ئنا ہند زامران ئٹی کوزہ گیر پاکستانی لشکر آ جلہو نا زمہ واری ئے ہرفنہ۔
ترجمان پارے کہ سرمچارک کیچ ئنا ہند زامران ئٹی کوزہ گیر پاکستانی لشکرئے جلہو ئٹی ٹک کرسا جانی و مالی نسخان تسُر۔ 15 اپریل آ ویگہ نا 5:20 بجہ غا زامران ئٹی سادیم نا جہہ آ پاکستانی لشکر نا چوکی ئے پوسکن و بھلا سلاہ تیٹ جلہو ئٹی ٹک کننگا۔ ہرانا سوب آن لشکرئے جانی و مالی نسخان ہرفوئی تمانے۔
ترجمان ودیک پارے کہ جلہو آن پد خلیس نا گواچی کوزہ گیر لشکر 13 آن زیات مارٹر گولہ خلک و سخت سُمکاری ہم کرے واہم سرمچارک سلامتی ئٹ پیشتمِسہ تینا ٹھکانہ غاتیا سر مسُر۔
او ایسر ئٹ پارے کہ بی ایل ایف دا جلہو نا زمہ واری ئے ہرفک و بلوچستان نا آجوئی اسکان کوزہ گیر لشکر و لشکری تنصیب آتے ٹک کرسا کرون۔
