بلوچ یکجہتی کمیٹی تینا شنگ کروک بیان ئٹ پارے کہ ریاست پاکستان اینو ویگہ آن گڈ کوئٹہ ٹی دہشت گردی نا کُل سیم تِہ بے بالا۔ پنچ شش گھنٹہ آن پُرایمن برانزی تیا ریاستی زوراکی برجاء ءِ، تیبہ علاقہ ئے سیل کننگانے۔ ٹپی آتِہ اسپتال اسکان دننگ نا موکل تننگ افس، کیہی پُر ایمن برانزی تِہ دزگیر کننگ ءُ، و ڈکھکوک ادارہ غا تا کارندہ غاک سادہ پُچ آتیٹی اُلس ئنا اُرا و جاگہ غاتِہ نسخان تننگ ءُ۔
او پارے کہ ہرا وڑ ریاستی پولیس و ڈکھکوک ادارہ غاتا کارندہ غاک اُلس ئے نسخان تننگ ءُ اوفتیا مون پہ مون سُمکاری کننگ ءُ و الس ئنا اُرا و جاگہ غاتِہ ہُشنگ ءُ، دا حالیت ئے ہرسا بلوچ یکجہتی کمیٹی فیصلہ کرینے کہ اینو ننکان کوئٹہ برانز ئے ایسر کرسا پھگہ سہب ئنا بروکا لائحہ عمل نا پڑو کننگ مرو۔
