بلوچستان نا ضلع کوہلو ٹی پاکستانی لشکر نا لشکر کشی برجاء ءِ۔
حوال تا رد ئٹ پاکستانی لشکر نوئے شم، بالا ڈھاکہ و ہیب ئہ کھیب ئٹ لشکر کشی ٹی اختہ ءِ۔
تدوکا اسہ ہفتہ آن پاکستانی لشکر کوہلو نا ہند بارکھان نا جتا جہہ تیا لشکر کشی کننگ ءِ۔ لشکر دا وخت شش بندغ آتہ زوراکی ئٹ بیگواہی تیتون اوار ہندی بندغ آتا اُراتہ ہُشانے۔
لشکر کشی ٹی اختہ لشکری کارندہ غاتہ سلاہ بند بندغ آک جلہو تیٹی ٹک کرینو۔
ہندی حوال تروک آتا رد ئٹ مُسہ دے ئنا جنگ آتیٹی پاکستانی لشکر ئے بھلو کچ ئسیٹی جانی نسخان ہرفوئی تمانے ہراڑے ایمبولینس آتا ہن ئہ بر ہم خننگ مسنے۔
کالخواک دا رد ئٹ دائسکان شابیتی حوال تتنو۔
