بلوچ اسٹوڈنٹس ایکشن کمیٹی نا پارہ غان ” کتاب کاروان” نا رد ئٹ تربت یونیورسٹی ٹی اسٹال خلنگ نا موکل تننگ متو، خوانندہ غاک مزاحمت آن پدا اسٹال خلکر۔
بساک نا بک اسٹال ” کتاب کاروان” نا لڑ ئٹ اینو پنچ شمبے نا دے تربت یونیورسٹی انتظامیہ خوانندہ غاتہ بک اسٹال خلنگ نا موکل تننگ آن نمن مرسہ سیکیورٹی کارندہ غا تا زریعت ئٹ درگہ ئے بند کرے۔
بساک نا جارکش نا رد ئٹ سیکیورٹی کارندہ غاتتون مزاحمت و ہیت آن پدا خوانندہ غاتہ اسٹال خلنگ نا موکل تننگا۔
یاتی مرے کہ بساک نا کنڈ آن برجاء سال ئنا بناء غان تیبہ بلوچستان ئٹ ” کتاب کاروان” نا پن آ بک اسٹال خلنگ نا لڑ بناء کننگاسس ہراٹی خوانندہ غاتہ جتا جہہ تیا ہڑاند آتون مون تروئی تما۔
گوادر ئٹ خوانندہ غاتہ کتاب آتون اوار دزگیر کننگا و اوفتا برخلاف ایف آئی آر ہم کننگا۔
