راجی کسر آ برانز تروکا تا خواست آتا حق ئٹ الٹی میٹم نا وخت اینو بیگاہ نا دو بجہ اسکان ودیفنگانے و مونی کن اہم گامگیج ہرفنگ نا پارینو۔
برانزی و زہری نا خاہوت تہ خواستءِ کہ مونی ہتوک آ چار انگا ورنا تے زوت آجو کننگے و ایلو چار بیگواہ مروکا ورنا تے منظر مونی ہتنگ مرے و اوفتا سلامتی نا حوال رسینگے۔ اوفتا پاننگءِ کہ خواست آتا مننگ اسکان برانز برجاء مرو۔
برانزیک پارینو کہ اگہ اوفتا خواست آک اینو بیگاہ اسکان پورو متور گڑا راجی کسر ئے دوارہ بند کننگ مرو و برانز ئے پین سخت کننگو۔ برانزی تا پاننگءِ کہ اوفتا برانز ذاتی مفاد کن اف بلکہ تینا بندغ تہ آجوئی کنءِ و او تینا خواست آتا پورو مننگ اسکان ہچ دروشم ئٹ پدی مفرور۔
