بی وائی سی نا شنگ کروک بیان ئسیٹی پاننگانے کہ پانزدہ سالی آ سیف جان ولد فیض محمد پنجگور چتکان نا ہندی ئس ءِ و اسہ خوانندہ ئس ءِ، اودے رمضان نا تو ئٹی بیگواہ کننگانے، مُسہ تو ئنا زوراکی ئٹ بیگواہی آن پد 29 جون 2026 آ اونا جون پنجگور ایئرپورٹ نا خُڑک آن خننگانے۔
بی وائی سی سیف جان نا زوراکی ئٹ بیگواہی و غیرقانودی کوش ئے شیف خلِسہ پارینے کہ اگہ ریاست بے میار انگا بی وائی سی نا رہشون تے سزا تننگ کیک گُڑا دا بندغ آتا برخلاف انتئے کاروائی کپک ہرا دا کوش آتا ذمہ وار ءُ۔
بی وائی سی بندغی حق آتا تنظیم و جہانی تنظیم آتیان خواست کرینے کہ اوفک بلوچستان ئٹ بندغی حق آتا لتاڑنگ آ زوت پام ایتر و گامگیج ہرفر۔
