آواران: بلوچ وومن فورم نا پارہ غان شہید بانک کریمہ نا یات ئٹ اڈ تروک مجلس آتا بنداو آ ڈاکٹر شلی تون اوار ایلو بندغ آتیا ایف آئی آر کننگانے۔
دا رد ئٹ بلوچ وومن فورم تینا درشان ئٹ پارینے کہ ایف آئی آر ئٹ بلوچ وومن فورم نا سروک ڈاکٹر شلی بلوچ، زکیہ بلوچ، ارزملک و ایلوفتا پنک اوار ءُ ہرا 21 دسمبر 2024 آ آواران نا علاقہ تیرتیج ئٹ شہید بانک کریمہ نا یات ئٹ مجلس اڈ تسوسر۔
داکان بیدس مجلس ئٹ بشخ ہلوک ایلو بندغ آتا پنک ہم ایف آئی آر ئٹ اوار ءُ۔
درشان ئٹ پاننگانے کہ ایف آئی آر ئٹ دا پاننگانے کہ دا مجلس ریاست نا برخلاف مسنے ہراٹی مخلوق نا زہن سازی ئے کننگانے۔
