بلوچستان نا ضلع کیچ ئنا ہند مند ئٹی پاکستانی لشکر ارا جہہ تیا چھاپہ خلِسہ اِرا ورنا ئے دزگیر کننگ آن گڈ بیگواہ کرینے۔
حوال تا رِد ئٹ پاکستانی لشکر استو مند ئنا خلق گواک ئٹی نن ئنا 3:00 بجہ غا رسول بخش بلوچ نا اُراغا چھاپہ خلسہ اونا مار سہیل بلوچ ئے دزگیر کرینے۔ چھاپہ خلنگ نا وخت آ چُنا و زالبول تیا زوراکی کرینے۔
او پارے کہ استو دا تدینی آن پد 3:30 آ فوج عزیز بلوچ نا اُراغا چھاپہ خلسہ اونا مار حمزہ عزیز ئے دزگیر کننگ آن گڈ بیگواہ کرینے۔
