بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارینے کہ سرمچارک سینزدہ دسمبر جمعہ نا دے 4:40 آ مند ئنا علاقہ چکاپ ئٹی دشمن نا اِرا ویگو گاڑی پوسکُن و بھلا سلاہ تیٹ ٹِک کریر، جلہو ئٹی دشمن لشکر نا چھار کارندہ مرگ ئنا گواچی و اِرٹ ٹپی کریر۔
او پارے کہ سرمچارک اسِہ خاص ءُ حکمت عملی ئسے نا رِد ئٹ اول اسنائپر ٹیکٹکل ٹیم ئنا زریعٹ ئٹ ویگو گاڑی تا ڈرائیور تِہ ٹِک کریر اوکان پد اسپیشل آپریشن اسکواڈ پوسکُن و بھلا سلاہ تیٹ بیست مِنٹ ئسکان ایلو کارندہ غاتِہ ٹِک کریر، ہرا گاڑی ئے ٹِک کنگاسس اوٹی شش کارندہ سوار اسک، اوفتان چھار مرگ ئنا گواچی و اِرٹ ٹپی مسر، گاڑی ئے ہم باز نُسخان مس اسِہ گاڑی ئس نرِنگ ئٹ سرسوب مسس ولے دا او گاڑی ئے سرمچارک ٹِک کریسُر۔
اونا پاننگ اس کہ جلہو ئٹی دشمن ئے سمبالنگ نا وار ہم متو، ہندا سوب آن دشمن لشکر ئے سُم خلنگ نا وار ہم متنے۔
ترجمان پارے کہ پوسکُن آ جنگی حکمت عملیک دشمن ئے ہنداخس خوفزدہ کرینو کہ او تینا کیمپ و چوکی تیسکان محدود ئے پیشن بننگ کِن اودے تُرند آ جلہو تیٹ ٹِک کننگ مریک، ہندا سوب آن او پین زہنی و نفسیاتی ناجوڑی تا آماچ ءِ۔
او ایسر ئٹ پارے کہ بی ایل ایف دا جلہو نا زمہ واری ئے ارفِک و بلوچستان نا آجوئی ئسکان دشمن نا کارندہ غاتِہ ٹِک کننگ نا عزم ئے کیک۔
