بلوچستان لبریشن فرنٹ نا ترجمان میجر گہرام بلوچ تینا شنگ کننگوکءُ بیان ئسیٹی پارے کہ سرمچار آک اینو دوشمبے ، 08 جون 2026 آ نال ئنا شار ئٹی اسہ بھلو جلہو ئس کرسہ تیبہ شار ئے کنٹرول کریر، ہرا دا وخت اسکان برجاء ءِ ۔ سرمچاراک شار ئنا پولیس تھانہ تون اوار کُل سرکار نا اہم انگا ماڑی و تنصیبات آتے کنٹرول کریر ۔
دا کاروائی نا وخت آ سرمچاراک بلوچستان نا مڈی تا لٹ ءُ پُل ئٹی آختہ اسہ فیکٹری ئسے ٹک کرسہ خاخر تِسُر ۔ دا فیکٹری قوضہ کروک ریاست نا بھلنی ٹی بلوچ قومی مڈی تا استحصال نا ذریعت ئس جوڑ اسک ہرادے سرمچاراک بھُس کریر ۔
ترجمان پارے کہ شار ئنا کنٹرول سنبھالینگ آن گُڈ ، مونی بروک کوضہ کروک پاکستانی لشکر تون سرمچار تا جتا جتا جہہ تیا تُرند آ جلہو آک دا وخت اسکان برجاء ءُ ۔ تینے رکھینگ نا بے سوب آ کوشست ئٹی آختہ دشمن فوج ئے بھاز نسخان رسینگا و سرمچار تا تُرند آ گھیرہ غان فوج پدی مس ۔ نال شار ئنا کُل ہنوک و بروک آ کسر آک داسکان سرمچار تا گرفت ئٹی ءُ و اوفتا پوزیشن مضبوطی ئٹ برقرار ءِ۔
بی ایل ایف نا ترجمان میجر گہرام بلوچ بیان نا ایسر ئٹ پارے کہ دا کاروائی نا وخت آ دشمن ئے رسینگوک جانی و مالی نسخان و آپریشن نا تفصیلی رپورٹ زوت میڈیا ٹی شنگ کننگ مرو ۔
