بلوچ ریپبلکن گارڈز نا ترجمان دوستین بلوچ تینا شنگ کروک بیان ئٹ پارینے کہ بی آر جی نا سرمچارک ڈیرہ غازی خان ئٹی پولیس گاڑی تِہ ارا جتاؤ جاگہ غاتیٹی بمب جلہو ئٹ ٹِک کریر۔
او پارے کہ اینو سُہب ئنا ڈیرہ غازی خان نا ہند خان پور اعظم چوک نا خُڑک آ ننا سرمچارک پولیس نا اسِہ گاڑی ئسے چغلی بمب جلہو ئٹ ٹِک کریر۔ بمب جلہو ئٹی اِرا پولیس کارندہ ٹپی مسنے۔
ترجمان پارے کہ ایلو جلہو روجھان ئٹی زاہد روڈ نا خُڑک پولیس گاڑی آ بمب جلہو ئس کریر۔
او ودیک پارے کہ پولیس نا گاڑی ئے ریموٹ کنٹرول آئی ای ڈی تراک ئٹ ہموتم ٹِک کننگا ہراتم او کچے نا کُنڈ آ ہننگ اس۔
دوستین بلوچ پارے کہ تراک نا سوب آن گاڑی تیبہ تباہ مس، گاڈی ٹی سوار غٹ کارندہ غاک مرگ ئنا گواچی مسُر۔
