بلوچستان نا ہند مستونگ و مند آن پاکستانی لشکر اِرا بندغ زوراکی ئٹ بیگواہ کرینے۔
مستونگ کھڈکوچہ ٹی شاہوانی قبیلہ کلی عبدالغفار کھڈکوچہ نا معزز آک تینا شنگ کروک درشان ئسیٹی پارینو کہ آدم خان شاہوانی نا مار سالونک شاہ نواز شاہوانی ئے پاکستانی لشکر اونا برام نا نن دزگیر کرسا بیگواہ کرے ہرا نا نن مذمت ئے کینہ۔
او پارے کہ نن کوالخواہ تیان خواست کینہ کہ شاہ نواز شاہوانی ئے زوت و سرسلامت آجو کیر۔
اندن حوال رسینگانے کہ شاہ نواز ئے اونا برام نا نن پاکستانی لشکر زوراکی کرسا بیگواہ کرینے۔
ایلو کنڈ آن اینو سُہب ئنا چھار بجہ غا مند آن پاکستانی لشکر نوربخش نا مار امیر ئے زوراکی ئٹ بیگواہ کرینے۔
