مستونگ ئٹ برانزی تِہ منتشر کننگ و کسر ئے ملنگ کن برانزی تِہ زوراکی ئٹ مُر کننگ نا کوشست کننگا۔
شابیتی حوال تا رد ئٹ مستونگ ٹی درو بمب تراک تدینی آن پد اسکول نا چنا تا کھئنگ نا برخلاف شاریک اینو سہب ئنا کوئٹہ کراچی بنجاہی کسر ئے بند کریر و مستونگ ڈپٹی کمشنر نا دفتر نا مون آ شاریک تولوک برانز کننگ ءُ۔
مستونگ برانزی تا خواست ءِ کہ مستونگ ڈپٹی کمشنر ئے بدل کننگ مرے، مستونگ تراک ئٹی آوار بندغ تا چاہنداری نا رد ئٹ رپورٹ شنگ کرسا زوت دزگیری عمل ئٹ ہتنگ مرے۔
مستونگ برانز نا سوب آن کوئٹہ کراچی کسر آ اُلاخ آ تا مرغنو قطار لگانے۔
برانزی تِہ مُر کننگ و کسر ئے ملنگ و ڈپٹی کمشنر نا دفتر نا مون آ برانزی تِہ ہمینگ کننگ کن پولیس نا بھلو کچ ئس جاگہ غا سر مرسا شاری تِہ زوراکی ئٹ مُر کننگ نا کوشست کننگ ء۔
مستونگ برانزیک پاریر کہ ہراتم اسکان بڑزکو کالخواک ڈپٹی کمشنر ئے بدل کننگ نا پڑو شنگ کرسا مستونگ بمب تراک ئٹی اوار بندغ آتا برخلاف سخت کاروائی نا باور تتنو برانز برجاء مرو۔
او پاریر کہ اگہ پولیس تاغت کاریم ئٹ ہتنگ نا کوشست کرے گڑا مزاحمت کرِسہ پین سخت برانز کرون۔
