بلوچستان نا ضلع کیچ ئنا بنجائی شار تربت آن اسہ بندغ ئس بیگواہ کننگانے۔
بیگواہ کننگوک بندغ نا چاہنداری عبداللہ نا مار سہیل بلوچ نا پِن ئٹ مسُنے۔
حوال تروکا تا رد ئٹ پن کروک بندغ ئے تُدوکا دے تیٹ ڈھکوک ایجنسی تا کارندہ غاک زوراکی ئٹ بیگواہ کرینو۔
شابیتی حوال تا رد ئٹ پن کروک بندغ ئے یانزدہ اکتوبر آ اسہ گاڑی ئسیٹی سوار پاکستانی لشکر نا ڈھکوک ادارہ غا تا کارندہ غاک تُربَت نا ہند بہمن آن دزگیر کرسا بیگواہ کرینو ہراکان پد اونا ہچ ڈس اف۔
اونا خاہوت بندغی حق آتا ادارہ غا تیان اونا آجوئی کن توار بڑز کننگ نا خواست کرینے۔
