سی ٹی ڈی اسہ کاروائی ئسیٹی تحریک طالبان پاکستان نا بندغ خلنگ نا دعوی کرینے۔
کاؤنٹر ٹیررزم ڈیپارٹمنٹ (سی ٹی ڈی) نا کنڈ آن شنگ مروک بیان نا رد ئٹ سی ٹی ڈی ڈھاڈر ئٹی کاروائی کرسا ٹی ٹی پی نا مُسہ بندغ کھسفینے۔
ایس ایس پی دوست محمد بگٹی نا رد ئٹ سی ٹی ڈی ڈھکوک ایجسنی تا حوال تننگ آ کاروائی کرسا پن کروک بندغ آتِہ دوپاسی پہل ئنا خڑکا گھیرہ کرے و تومکا کنڈ آن سمکاری ٹی مُسہ ٹی ٹی پی نا باسک خلنگار۔
سی ٹی ڈی نا رد ئٹ کھئوکا بندغ آتیان 7 کلو تراکی مواد، اسہ موٹر سائیکل، 2 نائن ایم ایم پسٹل و راونڈز دوئی کننگانے۔
خیال ئٹ مرے کہ پن کروک بندغ آک دائسکان درست متنو و بلوچستان ئٹی سی ٹی ڈی نا کاروائیک ساندہ مشکوک مریرہ۔ سی ٹی ڈی کیہی وار تینا پن ئنا مونتس آتیٹی مُست آن بیگواہ کننگوک بندغ آتہ کھسفینے۔
جون تِہ ڈھاڈر اسپتال آ راہی کننگ آن گڈ شال آ سر کننگانے۔
