بلوچ نیشنل موومنٹ نا بندغی حق آتا ادارہ پانک چاگڑدی حوالکاری میڈیا غا اسہ پوسٹ ئس کرسا پارینے کہ دشت دورو آن پاکستانی لشکر اِرا بلوچ ورنا چیک پوسٹ آن زوراکی ئٹ بیگواہ کرینے۔
بیگواہ کننگوک ورناک خالق داد نا مار موسٰی و مجید نا مار سمیر نا پن ئٹ درست مسنو۔
پانک ئنا رد ئٹ ورنا تِہ 22 ستمبر آ دشت دورو آن پاکستانی لشکر تینا چیک پوسٹ آن ہموتم بیگواہ کرے ہراتم او گوادر آن کپکپار آ ہِننگ اسر۔
