بی ایس او نا مسکوہی چئیرمین و بی این ایم نا مسکوہی سیکریٹری جنرل رحیم بلوچ ایڈووکیٹ چاگڑدی حوالکاری تلہ ایکس آ پوسٹ ئس کرسا پارینے کہ پاکستان نا دو آن واحد بخش عرف واحد کمبر بلوچ نا بیگواہی نا برخلاف بندغی حق آتا باسک آک، تنظیم آک و یو این او نا ادارہ آک توار ہرفر و بلوچ زنک ایسری آ پاکستان آن حساب ہلیر۔
اندن اونا پاننگ اس کہ ہمسایہ ڈیہک پاکستانی زوراکی و استحصال نا سوب آن باہوٹ مروکا بلوچ آتا رکھ ئے یخینی کیر۔
یاتی مرے بلوچ راہشون کماش واحد کمبر ئے تدوکا دے تیٹ ایران آن پاکستانی انٹیلیجنس ایجنٹ آک زوراکی ئٹ بیگواہ کرینو ہراکان گڈ اونا بارو ئٹ ہچو حوال دو بتنے۔
او داکان مُست پاکستانی لشکر نا دو آن زوراکی ئٹ بیگواہی، ٹارچر و دزگیری تا گواچی مسس ہراکان گڈ او روپوش مرسا آجوئی نا تحریک ئٹ تُد اس۔
