بلوچستان لبریشن فرنٹ نا ترجمان تینا شنگ کروک بیان ئٹی پارینے کہ بلوچ سرمچار آک 16 اگست آ شام ئنا ہشت بجہ آ کیچ ئنا بنجائی شار تربت سنگانی سر سائن بورڈ ئٹی جوڑ مروکا کوزہ گیر پاکستانی لشکر نا چیک پوسٹ آ چغلی بمب ئس خسار ہراڑان دشمن ئے نسخان مس۔ جلہو نا وختا دشمن نا اسہ کارندہ ئس چوکی ٹی ساڑی اس۔
او پارے کہ بی ایل ایف بلوچستان ئٹی پاکستانی زوراکی تا ورندی ئے سلاہ بند جہد ئٹ تننگ ءِ۔ و بی ایل ایف ہر اسہ سرسوب جلہو ئٹ دشمن ئے جانی و مالی نسخان ترِسہ ءِ۔
ترجمان پارے کہ بلوچستان لبریشن فرنٹ دا جلہو نا ذمہ واری ئے ہرفک و دا سوغند ئے کیک کہ پاکستانی لشکر نا تیوہ غا پیشتمنگ اسکان دشمن آ جلہوک برجاء مرور۔
