بلوچ یکجہتی کنیٹی نا کنڈ آن اینو نہمیکو دے ہم گْوادر تون اوار تُربَت، نوشکی کوئٹہ ٹی بلوچ یکجہتی کمیٹی نا نیمہ غان برانز برجاء ءِ۔
بی وائے سی نا جارکش تینا بیان ئٹی پارینے کہ تینا خواست آتیا عمل مننگ اِسکان بلوچ اُلس بنجاہی راہشون تا کال آ تینا حق آ تیکن پر ایمن برانز ئے برجاء تخنگ نا عزم تخیک۔
او پارے کہ ریاست نا نیمہ غان پرایمن ” بلوچ راجی مچی“ آ کریک ڈاؤن و کاروان تیا بیدادی و برانزی تے خلنگ نا ورندی ٹی تیوہ بلوچستان آن ہزار آ بندغ آک برانز ریکارڈ کرفنگ ءُ۔
بلوچ یکجہتی کمیٹی نا جارکش تینا شنگ کروک درشان ئٹی پارینے کہ پھگہ آن ہفتہ ئس تیوہ بلوچستان ئٹی بلوچ راجی مچی نا شہید آتا یات ئٹی چراغ روشن کننگو و راجی سوگندی دیوان اڈ تننگو۔
کل زون آک شہید آتا یات ئٹی دیوان نا تیاری کیر و شہید آتے دروت ندر کیر۔
