بلوچ لبریشن آرمی نا جارکش آزاد بلوچ تینا بیان ئسیٹی پارے کہ درو 8 جولائی آ ننا سرمچار آک کیچ ئنا ہند بلیدہ میناز ئٹی محمد آباد ایریا ٹی پاکستانی لشکر نا قافلہ ئے ریموٹ کنٹرول بمب ئٹ ٹک کریر۔
او پارے کہ ننا سرمچار آک بمب ئے موٹرسائکل تون تفیسُر و قافلہ ٹی اوار آخری لاری ئے ٹک کریر، تراک ئنا سوب آن قوضہ گیر لشکر نا اِرا کارندہ کھسک و چھار ٹپی مس۔ جلہو آن پد پاکستانی قوضہ گیر لشکر تینا کہوک و ٹپی مروک آتے ہیلی کاپٹر ئٹ عیلاقہ آن کشّا۔
جارکش ایسر ئٹی پارے دا جلہو نا ذمہ واری ئے بلوچ لبریشن آرمی قبول ارفک۔
