شال آن پاکستانی فوج باوہ و چُنا سیتون اوار پین مُسہ بندغ ئے زوراکی ئٹ بیگواہ کرینے۔
حوال تا رد ئٹ 14 جولائی آ شال ئنا ہند قمبرانی کسر آن پاکستانی فوج ئنا ڈھکوک ادارہ و سی ٹی ڈی سوب ئنا سئے بجہ غا قائم شاہ ولد مہران شاہ ئے زوراکی ئٹ بیگواہ کرینو۔ ہندا دے ویگ ئنا اونا مار اویس شاہ ولد قائم شاہ ئے ہم دزگیر کرسا بیگواہ کننگانے۔ اوفتا زوراکی ئٹ بیگواہی نا ہیت ئے خاہوت پک کرینے۔
ایلو نیمہ غا گوادر نا ہند جیونی، لبادی آن استو پاکستانی فوج مہزم ولد عبدالمجید ئے دزگیر کرسا بیگواہ کرینے۔
ہندا وڑ پیشکان آن ہم پاکستانی فوج ئنا ڈھکوک ادارہ آک عدنان ولد رضائی ئے برمتہ کرسا بیگواہ کرینو۔
عدنان نا بابت ئٹ پاننگ ءُ کہ اونا باوہ رضائی ئے 2012 آ پاکستانی فوج زوراکی ئٹ بیگواہ کریسس پدا اونا سُم خلوک جون بٹنگ مسس۔
