بلوچستان نا شار کوئٹہ نا پولیس پاکستانی لشکر نا دُو آن زوراکی ئٹ بیگواہی نا گواچی مروکا ورنا شہیک و فاروق نا زوراکی ئٹ بیگواہی نا مقدمہ نوشت کننگ آن نمن کرے۔
دا بارو ئٹ بندغی حق آ تا باسک و بلوچ یکجہتی کمیٹی نا راہشون ڈاکٹر ماہ رنگ بلوچ سوشل میڈیا تلہ ایکس آ پوسٹ ئسیٹی پارے کہ 28 مئی آ کوئٹہ ٹی بلوچ خوانندہ شہیک و فاروق زوراکی ئٹ بیگواہ کننگا۔ اوفتا خاؤت نا کوشست آن پد ہم پولیس ایف آئی آر نوشت کننگ آن نمن کرینے۔
اونا پاننگ اس کہ داڑان پاش مریک کہ خاؤت آک بے انصافی تون مون تننگ ءُ، اوفتا خاؤت آک پھگہ 3 جون 12 بجہ آ ڈی سی آفس کوئٹہ نا مونا برانز کننگ نا پڑو کرینو، کُل آن خواست ءِ کہ اوفتا برانز ئٹ اوار مبو۔
