طوفانی پِر تیان پد دریائے ناڑی دِیر آن پُر مس ، یونین کونسل پہوڑ پیر تیار غازی کلہوڑا فتوانی گہورانی مڈ عثمان و جتاء ہند آ تیٹی تیار مُلک آک سیلاب آن تباہ مسُر ۔
کلہوڑا برادری لکھ آتا کٹ کروکا چنہ نا فصل آتا بھلو کچ ئس سیلاب ئٹی وہینگا ، خُڑک ئنا ہند آ تیٹی تیار مُلک آک سیلاب نا دِیر ئٹی وہار اراڑان زمین دار آتے کروڑ آ تا نسخان رسینگو۔
یونین کونسل جلال خان و جتاء ہند آ تیٹی پِر تیان کٹ کروکا چنہ نا فصل آتے بھلو کچ ئسیٹی نسخان رسینگ نا حوالءِ ۔ سیلابی دِیر واپڈا گریڈ بھاگ ئٹی پیہنگ نا سوب آن واپڈا گریڈ بھاگ شہر اتون اوار فیڈر سنی شوران گنداواہ بختیار آباد نا بجلی 12 گھنٹہ بند مس ۔
پیر تیار غازی ٹی جل تہ وہینگ و کسر آتا پننگ آن اِرا دے آن ہر وڑ ئنا ہن و بر بند ءِ بجلی نا بندی آن موبائل سروس مفننگ نا سوب آن لس مخلوق و حوالکار آتے مشکل آتے مون تروئی تما و کُل کاروباری کاریمک بند مسُر،سیلاب آن متاثر مروکا تحصیل بھاگ ئے سیلاب زدہ پاننگ نا خواست کریر ۔
