کراچی : بیگواہ آ بلوچ آتا توار ( وی بی ایم پی ) نا سیکرٹری جنرل و زوراکی ئٹ بیگواہ مروکا ڈاکٹر دین محمد نا مَسِڑ سمی دین چاگڑدی میڈیا ایکس ئٹی دود و ربیدگی نا دے آ کراچی نا برانز ئنا بابت ئٹ نوشتہ کرِے کہ راج آک راجی رسم و رواج آتا دے آ تینا دود، پُچ ، زبان ، ادب و رواج آتا فخر کیرہ ۔ ولے بلوچستان نا بندغ آک دا دے ئے تینا شہید و زوراکی ئٹ بیگواہ آ بندغ آتا یات ئٹ گدریفنگءُ۔
او پارے کہ مذہبی دیوانک مریر یا چاگڑدی، بلوچ کسر تہ پیش تمیسہ برانز کیرہ ۔
سمی دین پارے کہ بلوچ راج ہندا نشان تِسُنے کہ اوفک تینا پدریچ و مستقبل ئے رکھیفنگ کن جدوجہد نا تیوعہ نظریہ ئے تینا کروئیءِ۔ بلوچ دودمان جدوجہد آن بیدس پورو اف۔
