بی ایل ایف نا ترجمان میجر گہرام بلوچ میڈیا ٹی شنگ کروک بیان ئسیٹی پارے کہ 01 اکتوبر 2026 ئنا دے بی ایل ایف پوسُکن اڈ تروکا زالبول آتا یونٹ کریمہ آرمڈ اسالٹ ڈویژن( کاڈ) و اول دستہ قربان یونٹ نا سرمچارک واشک نا علاقہ ماشکیل گوریندر ئٹی ایف سی 58 ونگ ئنا اہم انگا فوجی کیمپ ءِ سرسہبی ئٹ جلہو ئسیٹی ٹک کریر۔
ترجمان گہرام بلوچ درشان ئٹی پارے سرمچارک کیمپ ءِ کیہی نیمہ غان گھیرہ کرسا راکٹ لانچر، گرینیڈ لانچر و بھلا خودکار سلہہ تیٹ ٹک کریر۔ دا کاروائی ٹی 18 فوجی کارندہ خلنگا و کیہیک ٹپی مسر ۔ دا کاروائی نا وخت خلوک آ دشمن نا کارندہ آک تینا سلہہ و کیمپءِ یلہ کرسہ نرار، کوزہ گیر لشکر نا کمک کن بروکا ٹولی ءِ ہم سرمچار آتا رکھیفوک آ بشخ آک ٹک کریر ہراڑان کیہی دشمن کارندہ خلنگ و ٹپی مس کمک کن بروکا ٹولی پدا ہننگ کن بیوس مس۔پدا کوزہ گیر فوج تینا خلنگ مروکا کارندہ تا جون تے ہیلی کاپٹر آتیٹ پنجگور آ درے۔ فوج تینا خلنگ مروکا کارندہ تا کچ و چاہنداری تے ڈکھنگ ءِ ہراڑان اندا چاننگ مریک کوزہ گیر فوج بلوچستان ئٹی شکست کنوک ءُ جنگ ئس کننگ ءِ۔
ترجمان پارے دا پر عزم مشنءِ سر سہبی کننگ نا وخت تنظیم نا اِرا بہادر انگا سرمچار شہید ساجد عرف مہران ولد خالد بلیدہ نا ہندی و شہید عبدالخالق عرف نوتک ولد سنجر پروم نا ہندی دشمن نا مقابلہ کرسا شہید مسُر۔ اوفتا عظیم انگا ایثار و بے کچ قربانیک بلوچستان نا آجوئی نا تاریخ ئٹی جوانو لوز آتیٹی نوشتہ کننگ مرور۔
ترجمان پارے کہ کاڈ ئنا دا جلہو ئٹی بھلا کڑدار دا ہیت ئنا ثبوتءِ کہ بلوچ راجی تحریک ئٹی زالبولاک تنیا سیاسی و نظریاتی کچ اسکان تفوک افس بلکہ او جابرانہ پالیسی و ریاستی بےدادی تا برخلاف جنگ ئنا پِڑ ئٹی باقاعدہ پِڑ ئٹی بسونو۔ شہید بانک کریمہ بلوچ نا پن ئٹ اڈ مروکا دا ڈویژن زالبول آتا بے کچ عزم استقامت و مزاحمتی جوزہ نا روشن انگا استعارہءِ۔بلوچستان ئٹی کوزہ گیر فوج ئنا برجاء انگا کیمپ آک بلوچ راجی مڈی تا بے دڑدی ئٹ لُٹ و پُل، بلوچ نسل کشی و چادر چار دیواری تے لتاڑنگ نا بنیاتی مرکز آک ءُ۔ دا کُل فوجی اڈہ تا تیبا ایسر کننگ و بلوچستان نا سرزمین آن کوزہ گیر فوج ئنا پیش تمنگ، آجو و واکدار آ بلوچستان بلوچ راجی بقا نا اسٹ انگا ضمانتءِ۔ ہرا وخت اسکان بلوچ سرڈغار آ اسہ ہم فوجی کارندہ ئس ساڑیءِ و بلوچ راج ئنا سیاسی و مالی بق آتا غصبی نا لڑ برجاءءِ ننا سلہہ بند جہد و مزاحمت گیشتر طاقت تون برجاء مرو۔
بی ایل ایف نا ترجمان ایسر ئٹ پارے کہ نن تینا شہید آتا فکر و فلسفہ آتا گامزن مرسا بلوچ راج ءِ تخین ہیتینا کہ شہید آتا دترک ہچ دروشم ئٹ زوال مفسا، آجو و واکدار آ بلوچستان نا اڈ تننگ اسکان دا جنگ کُل محاذ آتا گیشتر طاقت و دفاعی حکمت عملی تون جنگ مرو۔بی ایل ایف دا سرسہبی و دیہاڑی جلہو نا ذمہ واری ءِ ہرفک۔
