بلوچستان نا علاقہ بولان ئٹ اینو چھارمکیو دے ہم لشکر کشی برجاء سلیس، پین چُنا نیاڑی پاکستانی لشکر دزگیر کرے، مخلوق نا ہیٹ و میل تیا کوزہ کننگا۔
پاکستانی لشکر نا کنڈ آن بولان نا جتا علاقہ آتیٹ لشکر کشی اینو چھارمیکو دے برجاء سلیس۔ بولان تون تفوک سبی، ہرنائی، مچھ ئٹ پاکستانی لشکر بھلو کچ ئسیٹی ساڑی ءِ و گن شب و ایلو ہیلی کاپٹر آتا ہن ءَ بر برجاء ءِ۔
اینو حوال رسینگانے کہ پاکستانی لشکر بولان تون تفوک سبی نا علاقہ شابان ئٹی علیان پنی ءُ بندغ ئسے نا اُرا ئے پلویڑ کرسا چُنا نیاڑی تے بندی کرینے۔ علیان نا بیست پنچ ہیت تے ہم کوزہ کننگانے۔
درو ڈھاڈر نا ہیب کھیب ئنا علاقہ ٹی ہم پاکستانی لشکر بھاگیا مالئے و اونا سیال تا اُرا تے گھیرہ کرسا چُنا نیاڑی تے دزگیر کریسس ہرا داسکان آجو متنو و اوفتا اُرا تے ہم ہُشنگاسس۔
علاقہ لشکری پلویڑ ئٹ مننگ نا سوب آن حوالکاری بست و بند پنانے ہرا نا سوب آن ودیک حوال دوئی کننگ ئٹ ہڑاند مونا بننگ ءِ۔
