
آواران نا ہند کولواہ ٹی، اینو سوب ئنا پاکستانی فوج آپریشن کرسا اُراتا چھاپہ خلکُنے و زوراکی کرینے، ہندا نیام ئٹی کیہی بندغ آتے دزگیر کننگ آن پد بیگواہ کننگانے۔
حوال آتا رد ئٹ پاکستانی فوج اینو سوب ئنا کولواہ نا ہند بزداد، سورگ، کرکی، کنڈور، مچی و شے کنری ٹی چھاپہ خلِسہ اُراتے پٹ ءَ پول کننگ تون اوار کیہی بندغ آتے دزگیر کننگ آن پد بیگواہ کرینے۔
بیگواہ کننگوک آ بندغ آتیٹی گیشتر باوہ و چُنا ءُ۔ فوج اِرا یا مُسہ ایلم تے ہم اواری ئٹ بیگواہ کرینے۔
زوراکی ئٹ بیگواہ کننگوک آتیٹی کریم جان و امداد ولد فقیر داد، طاہر ولد کریم جان، امتیاز، نیاز و تنیاز ولد داد رحمان، واھگ ولد نیک محمد، مبارک ولد پنچ شمبے، مہیم و سمیر ولد حمزہ، ایوب و صابر ولد فتحِ محمد، بشیر احمد ولد ایوب، دو شمبے، پُلان و بدل ولد حامد، ماجد ولد ستار، درا ولد مقصود، مجید ولد پیر جان و آصف ولد میار اوار ءُ۔
حوال تا رد ئٹ دا کُل بندغ آتے اینو سوب ئنا جتا ہند آتیان دزگیر کننگ آن پد بیگواہ کننگانے۔
