نصیر آباد و کچھی ٹی قوضہ کروک لشکر آ جلہو تا ذمہ واری تے بی آر جی ہرفینے

بلوچ ریپبلکن گارڈز نا ترجمان دوستین بلوچ میڈیا ٹی شنگ کروک تینا بیان ئسیٹی پارینے کہ استو شام ئنا وخت آ ننا تنظیم نا ڈرون یونٹ عامر ایئرو گارڈیئنز نا سرمچار آک بلوچستان نا ضلع نصیر آباد نا علاقہ نوتال نا خڑک پاکستانی لشکر نا پوسکن جوڑ مروکا چیک پوسٹ آ کاریم کروکا کارندہ تے ڈرون جلہو ئٹ ٹک کریر، ہرانا بھرم ئٹی دشمن نا کیہی کارندہ غاک کھسکُر و ٹپی مسُر۔

ایلو نیمہ غا ننا سرمچار آک بلوچستان نا ضلع کچھی نا علاقہ ڈھاڈر ئٹی قوضہ کروک آ پاکستانی لشکر نا مرکزی کیمپ ءِ بھلا و چنکا سلاہ تیئٹ ٹک کریر، دا جلہو نا بھرم ئٹی قوضہ کروک دشمن ئے جانی و مالی نسخان ہرفوئی تمانے۔

ترجمان ایسر ئٹ پارینے کہ ننا تنظیم بی آر جی دا جلہو تا ذمہ واری تے ہرفک و ننا دہن انگا جلہو آک بلوچستان نا آجوئی اسکان برجاء مرور۔

شونکار

شونکار|زْرمبش براہوئی

شونکار

شونکار|زْرمبش براہوئی

دلگوش کرز

زرمبش براہوئی

زْرمبش کسر آجوئی نا

زرمبش براہوئی، زرمبش شکسار نا کنڈ آن براہوئی زبان ئٹ حوال شنگ کیک۔

آسان دزرس