تمپ آن ریاستی ڈیتھ اسکواڈ نا دو آن زوراکی ئٹ بیگواہ کننگوک آ ادھم ولد ابراہیم نا جون دو تمانے۔
حوال آتا رد ئٹ زوراکی ئٹ بیگواہ کننگوک آ ادھم ئے ڈیتھ اسکواڈ نا کارندہ غاک 20 اکتوبر نا نیامیکو نن تمپ ئنا ہند سرنکن ئٹی اونا اُراغان دزگیر کننگاسس، ہرانا جون کلاتک ئٹی سعید آباد نا کسر نا خُڑک آن خننگانے۔
یات مرے کہ ادھم نا چُنکا ایلم عدنان ولد ابراہیم ئے پاکستانی فوج 19 اگست 2026 آ خیر آباد ئٹی ہوٹل آن دزگیر کرسہ بیگواہ کریسس۔
داکان بیدس درو ننکان پاکستانی فوج اسہ وار ئس پدا ادھم بلوچ نا اُراغا چھاپہ خلِسہ چُنا و زالبول آتیا زوراکی کرسہ اُراتے پٹ ءَ پول کننگ تون اوار بندغ آتا موبائل تے ہم تینتون درینے۔ ادھم و عدنان نا بیگواہ کننگ آن مُست ڈیتھ اسکواڈ مُسہ وار اوفتا اُرا ئے دستی بمب جلہو تیٹی ٹِک کرینے۔
