حوال تا رد ئٹ خضدار و سوراب آن پنچ بندغ نا جون خننگانے ایلو نیمہ غا بلیدہ ٹی سلہہ بند بندغ آتا سُمکاری آن بندغ ئس کسکونے ۔
حوال تا رد ئٹ خضدار فیروز آباد آن مُسہ بندغ آتا جون خننگانے ہرافتے المی کاروائی کن اسپتال آ درینو۔ جون تا چاہنداری، خلنگ نا سوب و تدینی نا شابیتی حوال دائسکان مونا بتنے۔
ایلو نیمہ غا سوراب نا مل شاہورائی نا ٹک آن کسر نا خُڑک اِرا بندغ آتا جون خننگانے ہرافتیا سُم کاری کننگانے و اوفتا دائسکان چاہنداری کننگ متنے۔ پولیس جون تے سول اسپتال سوراب آ درینے۔
پولیس الس آن خواست کرینے کہ اگہ کسس تومکا جون تے دُرست کیرہ گُڑا کُمک کن سول اسپتال سوراب آ حوال کیر۔
ایلو نیمہ غا ضلع کیچ ئنا تحصیل بلیدہ نا ہند زیردان ئٹی نادُرست سلہہ بند بندغ آتا سُمکاری آن بندغ ئس کسکونے ۔
کہوک بندغ نا چاہنداری حامد ولد سید نا پن ئٹ مسونے ہندی بندغ آتا رد ئٹ پن کروکا بندغ سرکاری ٹولی نا بندغ ئسے۔
