بی ایل ایف نا ترجمان میجر گہرام بلوچ میڈیا ٹی شنگ کروک بیان ئسیٹ پارے کہ سرمچار آک 30 اگست 2026 نا دے پسنی نا ہند شادی کور ئٹی دوکانی کراس نا ٹک آ کوزہ گیر فوج ئنا اسہ مورچہ سے آئی ای ڈی بمب ئٹ ٹِک کریر، ہرا وخت فوجی کارندہ آک مورچہ ٹی بسُر بمب ترخا ہرانا سوب آن اسہ فوجی کارندہ ئس ہمو جاہ آ خلنگا و اسٹ ئس ٹپی مس ۔
ترجمان پارے کہ اسہ پین کاروائی سیٹی سرمچار آک 28 اگست 2026 نا دے خضدار نا علاقہ توتک ئٹی ریاستی ڈیتھ اسکواڈ نا سربراہ شفیق مینگل نا مُسہ جتا کیمپ و کوٹ آتا اسہ جاہ آ جلہو کریر۔ جلہو ئٹی ڈیتھ اسکواڈ نا چھار کارندہ خلنگار و اسہ کارندہ ئس دزگیر کریر ہراڑان سر و سوج مننگ ءِ ۔ دا کیمپ شفیق مینگل نا ٹارچر سیل و مرکز ءِ ہراڑے 2014 آن 170 بیگواہ کننگوک آ بلوچ آتا اشتعماعی قبر و جونک خننگانو۔
ترجمان مُستی پارے کہ 27 اگست 2026 آ سرمچار آک نوشکی نا علاقہ کچکی ٹی لاگر کوہ نا ٹک آ برجاء انگا کوزہ گیر فوج ئنا سیکیورٹی چوکی ئے اسنائپر ئٹ ٹک کریر۔ جلہو ٹی اسہ کارندہ ئس ہمو جاہ آ خلنگا.
ترجمان گہرام بلوچ بیان ئٹی پارے کہ 25 اگست 2026 آ سرمچار آک خاران شار ئٹی برجاء انگا ڈی آئی جی پولیس، رخشان نا دفتر ئے چغلی بمب جلہو ئٹ ٹک کریر۔ چغلی بمب دفتر نا تہٹی تما ہرانا سوب آن ساڑی انگا کیہی کارندہ آک ٹپی مسُر و دشمن ئے مالی نسخان ہم رسینگا ۔
ترجمان گہرام بلوچ ایسر ئٹ پارے کہ بلوچستان لبریشن فرنٹ کوزہ گیر پاکستانی لشکر و فوجی آلہ کار شفیق مینگل نا کیمپ و کارندہ و پولیس نا برخلاف دا کُل کاروائی تا ذمہ واری تے ارفینہ ۔
