یک شمبے نا دے جرمنی نا دارلحکومت برجن ئٹی یاگی آرٹ کلیکٹیو نا بھلنی ٹی اسہ کلچرل و سیاسی پروگرام ئس اڈ تننگا ، ہراٹی بلوچی تھیٹر، بلوچی دوچاپی و ایسر سیاسی ہیت و گپ کننگا ۔
بلوچی تھیٹر نا وخت بلوچ زالبول آتا سیاسی جہد آ اسہ ڈرامہ ئس نشان تننگا ، ہراٹی بانک کریمہ، ڈاکٹر ماہ رنگ سمی بلوچ نا کڑدار و اوفتا جہد ئے نشان تننگانے۔
پدا بلوچی دوچاپی نا بناء کننگا و بانک کریمہ نا جہد ئنا بابت ئٹ سیاسی ہیت و گپ ہم مسونے۔ ہراٹی بشخ ہلوک آک جتا جتا سرحال آتیا ہیت کرینو و بندغ آتا سوج آتا ورندی تے تسونو۔
دا پروگرام ئٹی برلن ئٹی تولوک آ بلوچ ڈائسپورا تون جرمن و ایلو راج آتیان سیالی تخوک آ سیاسی و چاگڑدی باسک آک ہم بشخ ہلکنو۔
