کوئٹہ آن پاکستانی فوج مسڑ ئسیتون اوار اِرا بندغ آتے برمتہ کننگ آن پد بیگواہ کرینے۔
حوال تا رد ئٹ زوراکی ئٹ بیگواہ کننگوک آتا چاہنداری سفیہ بلوچ ولد عبدالخالق و نصیب اللہ بلوچ ولد علی مراد نا پن تیٹ مسونے۔ زوراکی ئٹ بیگواہ کننگوک آ سفیہ بلوچ واشک نا ہند بیسیمہ نا ہندی سے و اسہ خوانندہ سے ہرادے پاکستانی فوج کوئٹہ آن 23 اگست 2026 ئنا شام ئنا یک بجہ غا برمتہ کننگ آن پد بیگواہ کرینے۔ اندا وڑ زوراکی ئٹ بیگواہ کننگوک آ نصیب اللہ کوئٹہ نا ہند کلی سردار کاریز نا ہندی سے و اسہ دکاندار ئسے ہرادے پاکستانی فوج 28 جولائی آ دزگیر کرسا بیگواہ کرینے۔
تومکا بندغ آتا زوراکی ئٹ بیگواہی نا حوال ئے بی وائی سی پک کرسا اوفتا عکس آتے شنگ کرینے۔
