بلوچ راجی آجوئی سنگر( براس ) نا ترجمان بلوچ خان تینا شنگ کروک بیان ئسیٹی پارینے کہ براس نا سرمچار آک نوشکی ٹی زوراک آ پاکستانی لشکر آ تُرند ءُ جلہو ئس کرسہ دشمن ئے بھلو کچ ئسے ئٹ جانی و مالی نسخان تِسُنو ۔
او پارے کہ براس نا سرمچار آک 17 اگست آ نوشکی نا ہند کُچکّی ٹی لیویز تھانہ نا خُڑک آ زوراک آ پاکستانی لشکر نا لاری تا اسہ کاروان ئسے آ سنگر ہلسہ جلہو کرینو ۔ دا کارروائی ٹی لشکر نا مُسہ لاری جلہو نا زد ئٹی بسُنو ، ہراڑان دشمن نا ہفت کارندہ مرگ ئنا گواچی ءُ ہشت آن زیات ٹپی مسُنے ۔ کارروائی نا وخت آ سرمچار آک دشمن لشکر نا اسہ کواڈ کاپٹر ئسے ٹک کرسہ بٹینو ۔
بلوچ خان بیان نا ایسر ئٹی پارینے کہ نن پیمان کینہ کہ بلوچ سرزمین نا تیبہ آجوئی اسکان ءُ زوراک آ لشکر نا پیشتمنگ اسکان دا وڑ ئنا جلہو آک تُرندی ئٹ برجاء مرور ۔ براس سِدھا پائک کہ بلوچ وطن نا مڈی تا لٹ ءُ پُل ءُ زوراکی نا برخلاف ننا آجوئی نا جہد تینا مزل اسکان تُرندی ئٹ برجاء مرو ۔
