نوشتہ: جعفر قمبرانی
زرمبش نوشتانک|
اختر چنال سد سال آن پد جعفر و صادقی آ دیہاڑ ئے پدا زندہ کرِسہ بلوچ راج ئنا شہید آتا لاشہ و زندان تیٹ بندی ایڑ تا تار تار انگا گد تے لغت کرِسہ ناچ کرِسہ ءِ۔ دا ناچو تا ویڈیو اسہ ہندنو وخت ئسے ٹی آئی ایس پی آر نا سوشل میڈیا اکاونٹ آتیان شینک مسنے کہ ہرا وخت ئٹی بلوچ راج غلامی نا آخریکو حد آتے اسکان ڈب ہلوک ءِ۔ کرفیو زدہ غا علاقہ غاک، بندی آ ایڑک و دروغ نا بیانیہ غاک۔۔۔۔۔
یات سلے کہ دا ہمو وخت ءِ کہ بیرہ زنا کروک آتا کڑد مون مفک بلکن ہر ہمو بندغ سیاہ کار پاننگک ہرا کوزہ کروک نا خلیس آن یا چار پیسہ کن جوگی نا دوشہ غانبار دژمن نا بانسری آ ناچ کیک۔
بلوچ راج ئٹ دا سیاہ کار آک بلوچ نا زگر انگا بیانیہ ئے مٹ کننگ کپسہ و نئے کہ دا خلنکہ کوپہ تیا توفک تخوک آ ورنا تا حوصلہ تے شیف بٹنگ کیرہ،
دا بیرہ تینا سیاہ کاری ئے پاش کرِسہ دیہاڑ نا پنہ تیٹی تینے تالی چٹ نوشتہ کننگ کن دیہاڑ دان تے وارخواہی ایترہ۔
دا ہمو عمل ءِ کیرہ کہ دافتا پدریچ لخ لڑونج و خن شیف کرِسہ راج ئنا مون آ چرینگوئی مفرو۔ درو نا بگھی چکوک آک، اینو دافک، انت فرخ ارے؟ باور کیرے اختر چنال بنگلا دیش نا صادق و جعفر آنبارو ہندنو مؤن جوژ ہلوک ءُ اسہ کڑدار ئسے۔ دا سال کائک ولے دا سیاہ کار آتا پن آ دیہاڑ ئٹ مدام پِٹ جلی نوشتہ مریک۔ مدام نا شکی گری!!!
