نن جرمنی آن اومیت تخنہ کہ او روس ئے مذاکراتی میز آ ہتِسہ جہانی حق آتا لتاڑ و اقدار نا لتاڑ نا سدّباب کے۔
یوکرین ا صدر ولادی میر زلنسکی نا پاننگ ءِ کہ 2014 ئٹی جرمنی نا کریمیا پالیسی ننے مایوس کرینے۔
ولادی میر زلنسکی جرمن ٹیلی ویژن اے آر ڈی کن شنگ کروک بیان ئٹ پارے کہ “2014 ئٹی کہ ہرا وخت کریمیا آ کوزہ کننگا جرمنی نا پالیسی ہمو کڑد ئے ادا کتو ہرا یورپ و جہان نا حق اس۔ دا پالیسی ننے مایوس کیرینے ”۔
او پارے کہ” نن جرمنی آن اومیت تخنہ کہ او روس ئے مذاکراتی میز آ ہتِسہ جہانی حق آتا کتاڑ و اقدار نا کتاڑ نا سدّباب کے”۔
زلنسکی پارے کہ “جرمنی نا چانسلر اولاف شُولز چائسنے کہ روس ئنا صدر ولادی میر پوتن بیرہ یوکرین کن آخہ تینٹ اوفتیکن ہم خطرہ اسے۔ کنا خیال ئٹ او مارِسنو کہ اگہ نن مزاحمت کتون تو روس جرمنی نا کنڈ آ گھام خلو”۔
او روس ئنا ہچو نیٹو ملک ئسے آ جکہو نا دعوی آتیا ہچو ہیت کننگ آن نمن کرے و پارے کہ “کنے اندن گمان مریک کہ بنجائی چانسلر ئے دا خلیس نا احساس مسنے و دا گڑا پاش لوز آتیٹ مسٹمیکو جنگ عظیم نا مفہوم تخک۔ روس نیٹو ملک آتیا جلہو کرے تو دا نا مطلب مرو کہ مسٹمیکو جہانی جنگ بناء مسنے”۔
صدر زلنسکی پارے کہ” اگہ روس یوکرین جنگ ئے کھٹا تو جرمنی تون ساڑی سلہہ بے معنی مرور”۔
